Ռուսաստանի և Հայաստանի միջև ամենատարբեր մակարդակներում փոխըմբռնում կա, որ դատահետաքննությունը լինի բաց, թափանցիկ. ՀՀ ԱԳ նախարարը` Գյումրիի սպանդի մասին
«Ռուսաստանի և Հայաստանի միջև փոխըմբռնում կա, որ դատահետաքննությունը լինի բաց, թափանցիկ»,-այս մասին այսօր՝ 2014 թվականի ամփոփիչ մամլո ասուլիսի ընթացքում ասաց ՀՀ ԱԳ նախարար Էդվարդ Նալբանդյանn` անդրադառնալով Գյումրիի ողբերգությանը և դրան ՀՀ իշխանությունների ոչ համարժեք արձագանքի մասին մեղադրանքներին:
Նա նշեց, որ Գյումրիի ահավոր, սարսափելի հանցագործության հենց նույն օրը ՀՀ նախագահը իրավապահ մարմինների ղեկավարների հետ խորհրդակցություն է անցկացրել, տվել համապաստախան հանձնարարականներ և հատկապես նշել, որ ամենակարճ, ամենասեղմ ժամկետում պետք է պարզել, բացահայտել մանրամասները, հայտնաբերել մեղավորներին և օրենքի ամենախիստ ուժով պատասխանատվության ենարկել:
«Նշեմ, որ ՀՀ նախագահը նշել է այդ ամենի կարևորությունը: Մեր իրավապահ մարմիններն իրենց կողմից կատարվող քայլերի, աշխատանքների մասին համապատասխան տեղեկատվություն են տրամադրում, հայկական կողմը պատշաճ համագործակցություն է հաստատել ռուսաստանյան գործընկերների հետ, շփումներ են կայացել ամենաբարձր մակարդակով:
Գիտեք, որ հեռախոսազրույց է եղել Հայաստանի և Ռուսաստանի նախագահների միջև, շփումներ են եղել և շարունակվում են ամենաակտիվ ձևով:
Ամենատարբեր մակարդակներով փոխըմբռնում կա, որ պետք է հետաքննությունը, դատահետաքննությունը լինի բաց, թափանցիկ և որ մեղավորները պետք է օրենքի ամենախստիվ ուժով պատասխանատվության ենթարկվեն»,- այսպես ՀՀ ԱԳ նախարարն արձագանքեց ՀՀ իշխանություններին հասցեին հնչող մեղադրանքներին, թե իշխանությունները Գյումրիի սպանդին անդրադարձան ուշացով և կատարվածին ոչ համարժեք:
