Թեհրանում տեղի է ունեցել Ալի Լարիջանիի ու Դավիթ Ուսուպաշվիլու հանդիպումը
Новости-Грузия լրատվական գործակալության փոխանցմամբ՝ Վրաստանի խորհրդարանի նախագահ Դավիթ Ուսուպաշվիլու գլխավորած պատվիրակությունը երեկ պաշտոնական այցով մեկնել է Թեհրան: Ուսուպաշվիլին արդեն իսկ հանդիպել է Իրանի խորհրդարանի նախագահ Ալի Լարիջանիի հետ:
Հանդիպման ժամանակ քննարկվել են առևտրային-տնտեսական ու էներգետիկ ոլորտներում երկու երկրների միջև համագործակցության հարցերը, ինչպես նաև օտարազգիների համար վրացական վիզա ստանալու նորացված ընթացակարգը:
Ուսուպաշվիլին Իրան այցելելու հրավերի համար շնորհակալություն է հայտնել Լարիջանիին և հույս է հայտնել, որ կընդլայնվի երկու երկրների միջև համագործակցությունն առևտրային ոլորտում. «Այսօր մենք՝ որպես գործընկերներ, անհրաժեշտ ենք միմյանց»:
