Բաղանիսի գյուղապետը հաստատել է սահմանային միջադեպի մասին տեղեկությունը. azatutyun.am
Երեկ ադրբեջանցի դիվերսանտների կրակոցից սպանված Ոսկեվան համայնքի բնակիչ Հրանտիկ Սարգսյանը երեկ Բաղանիսի արոտավայրում իր ոչխարի հոտն էր արածեցնում, «Ազատությանը» փոխանցել է Բաղանիսի գյուղապետ Նարեկ Սահակյանը:
«Ու լրիվ պատահական հանդիպել է դիվերսանտներին, ու կրակոցով սպանել են»,-ասել է Սահակյանը:
Նա հաղորդեց, որ դեպքը տեղի է ունեցել Երևան-Թբիլիս միջպետական ճանապարհի աջ հատվածում, հայկական տարածքում:
«Էդ դիվերսանտներին մեր զինվորականները ժամանակին նկատել են ու փորձել են իրենց հետևել՝ ուր են գալիս, ինչի համար են գալիս: Հետո որոշել են, որ իրանց վերցնեն շուրջկալի մեջ, դիվերսանտները էդ ամեն ինչը հասկացել են»,-նշել է գյուղապետը՝ հավելելով, որ 80-ամյա հովիվը սպանվել է այն ժամանակ, երբ դիվերսանտները, հասկանալով, որ շրջապատված են, որոշել են հետ դառնալ:
«Կրակոցները գյուղում լսվել են: Ինձ զանգահարեցին ասացին, որ ДШК-ից են խփել, մեկի տանն է կպել՝ խոհանոցին, հիմա գնում եմ էնտեղ տեսնեմ՝ ինչ է եղել: Էս 20 տարի ոնց եղել է, ապրում ենք»,-ասել է Սահակյանը:
Ոսկեվանի գյուղապետ Սերյոժա Ալեքսանյանը հավելեց, որ Հրանտ Սահակյանը թոշակառու էր, ուներ երկու դպրոցական որդի:
«6-հոգանոց ընտանիք են: Մի 5-6 ընտանիքներով իրենց սեփական ոչխարները հերթականությամբ տանում են արոտի: Երեկ իրա հերթն էր»,-ասել է Ալեքսանյանը:
Մանրամասներն՝ սկզբնաղբյուր կայքում:
