Սպիտակ-ինքնատիպ ԷՖՈ դհոլն արժե 1550 դոլար (լուսանկարներ)
Երաժիշտ Էֆո Խաչատրյանի օնլայն խանութ-սրահում յուրահատուկ դհոլներ են վաճառքի ներկայացվել: Գները սկսվում են 250 դոլարից: Իսկ ահա սպիտակ ԷՖՈ դհոլն արժե 1550 դոլար. այն կարելի է պատվիրել նաև ոսկեջրած տառերով: Սպիտակ դհոլը ձեռքի աշխատանք է, պատրաստվում է ԱՄՆ-ում: Ըստ կայքի՝ մեկ դհոլը պատրաստվում է 30-50 օրերի ընթացքում, քանի որ պատրաստման և մշակման գործընթացը սկսվում է պատվերից հետո միայն:
Էֆո Խաչատրյանը ծնվել է Երևանում, արվեստագետների ընտանիքում և մանկուց հետաքրքրված է եղել դհոլ նվագելով: Այնուհետև սովորել է Երևանի Կոմիտասի անվան պետական կոնսերվատորիայի՝ ժողգործիքների բաժնում:
