Ավտոմեքենան դուրս է եկել ճանապարհի երթևեկելի մասից և հայտնվել եղեգնուտում. կան վիրավորներ
Դեկտեմբերի 11-ին, ժամը 21.20-ին տեղեկատվություն է ստացվել, որ Արարատի մարզի Ոսկետափ գյուղի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում Ոսկետափ գյուղի սկզբնամասում «ՎԱԶ-2106» մակնիշի 34 MV 621 պետհամարանիշի ավտոմեքենան դուրս է եկել ճանապարհի երթևեկելի մասից և հայտնվել եղեգնուտում:
Մինչ հրշեջ-փրկարարների կանչի վայր հասնելը` «ՎԱԶ-2106» մակնիշի ավտոմեքենայի վարորդ Ս. Ռ.-ը (ծնվ. 1983 թ.) և ուղևոր Ա. Վ.-ը (ծնվ. 1991 թ.) տեղափոխվել են Արտաշատ քաղաքի ԲԿ, որտեղ բժիշկները տուժածների առողջական վիճակները գնահատել են բավարար:
Հրշեջ-փրկարարներն իրականացրել են մեքենայի հոսանքազրկում, փակել գազի բալոնի փականը և տեղափոխել ավտոքարշակի վրա:
ՀՀ Արտակարգ իրավիճակների նախարարություն
