Ադրբեջանում կալանավորել են «Ազատության» լրագրողին. «Ազատություն»
Քիչ առաջ Բաքվի Սաբաիլ շրջանի դատարանը «Ազատության» լրագրող Խադիջա Իսմայլովային երկու ամսով կալանավորելու որոշում կայացրեց: Նրան կալանավորելու միջնորդությամբ դատարան էր դիմել դատախազությունը: «Ազատություն» ռադիոկայանի ադրբեջանական ծառայության փոխանցմամբ՝ Իսմայլովային դատախազություն են կանչել այսօր առավոտյան: Այստեղ դատախազը հանդես է եկել նրան կալանավորելու միջնորդությամբ և Իսմայլովան կանչվել է դատարան՝ ներկա լինելու միջնորդության քննությանը:
Լրագրողի ընկերների փոխանցմամբ, Իսմայլովային դատախազություն են կանչել Թուրալ Մուստաֆաևի գործով, ով փորձել էր ինքնասպանություն գործել:
Լրագրողին կալանավորելու միջնորդությունը քննվել է առանց նրա փաստաբանի մասնակցության: Լրագրողը բարեկամներին խնդրել է բերել իր դեղերը և հագուստը:
Հիշեցնենք, որ Խադիջա Իսմայլովայի դեմ նաև գործ է հարուցվել նախկինում ընդդիմադիր քաղաքական գործիչ Էլման Հասանովի դիմումի հիման վրա: Նա հիմա հայտնի է Էլման Թյուրքօղլու անունով: Վերջինս Իսմայլովային մեղադրել է իրեն զրպարտելու մեջ:
Ամբողջությամբ՝ սկզբնաղբյուր կայքում:
