Գերության մեջ պահվող բրիտանացի լրագրողը հայտարարել է Քոբանիի ճակատամարտում «Իսլամական պետության» հաղթանակի մասին
Բրիտանական The Guardian թերթի փոխանցմամբ՝ «Իսլամական պետության» զինյալները տեսանյութ են տարածել, որում նրանց մոտ ավելի քան երկու տարի գերության մեջ պահվող բրիտանացի լրագրող Ջոն Քենթլին հայտարարում է, որ իսլամականները գրավել են Սիրիայի Քոբանի քաղաքը:
Քենթլին պնդում է, որ «Իսլամական պետության» ուժերը շարժվել են դեպի քաղաքի կենտրոն և այժմ ամբողջովին վերահսկում են քաղաքի արևելյան ու հարավային հատվածները:
Լրագրողը հայտարարել է, որ ոչ հեռու տեսնում է Սիրիային սահմանակից Թուրքիայի դրոշը. «Քոբանիի համար ճակատամարտն արդեն իսկ մոտենում է իր ավարտին: Մոջահեդներն այժմ պաշտպանում են քաղաքը»:
