Եվրոպայում ՆԱՏՕ-ի զորքերի հրամանատարը ժամանել է Թբիլիսի
Новости-Грузия լրատվական գործակալության փոխանցմամբ՝ Եվրոպայում ՆԱՏՕ-ի զորքերի հրամանատար Ֆիլիպ Բրիդլավը երեկ երեկոյան ժամանել է Թբիլիսի: Այս մասին հայտնել է Վրաստանի պաշտպանության նախարարությունը:
Պլանավորված է, որ այսօր Բրիդլավի հետ կհանդիպի Վրաստանի պաշտպանության նախարար Իրակլի Ալասանիան: Բացի այդ, Բրիդլավի հետ հանդիպելու է Վրաստանի վարչապետ Իրակլի Գարիբաշվիլին:
Իր երկօրյա վրացական այցի վերջում գեներալը հանդիպելու է Թբիլիսիի պետական համալսարանի ուսանողների հետ և կարդալու է կարճ դասախոսություն: Բրիդլավի վրացական այցը տեղի է ունենում նախօրեին Բրյուսելում ՆԱՏՕ-Վրաստան հանձնաժողովի նիստից հետո:
