Բաժիններ՝

Մինսկում ԱՊՀ-ի առաջնորդները 15 փաստաթուղթ են ստորագրել

Բելառուսական BELTA լրատվական գործակալության փոխանցմամբ՝ ԱՊՀ անդամ երկրների նախագահները Մինսկում անցկացված իրենց հանդիպման արդյունքներով ստորագրել են 15 փաստաթուղթ: Դրանք առնչվում են հումանիտար, անվտանգության ապահովման և այլ ոլորտներում միջպետական համագործակցության հետագա զարգացմանը:

Ստորագրված փաստաթղթերի թվում է հայտնվել նաև միջազգային հանրությանը ԱՊՀ անդամ երկրների ղեկավարների դիմումը՝ կապված Հայրենական Մեծ պատերազմում տարած հաղթանակի 70-ամյակի հետ:

Բացի այդ, հայտարարություն է ընդունվել թմրանյութերի նկատմամբ վերահսկողության միջազգային համակարգի պահպանման ու ամրապնդման մասին: Որոշում է ընդունվել 2016 թվականն ԱՊՀ-ի երկրներում Կրթական տարի հռչակելու մասին:

Բաժիններ՝

Տեսանյութեր

Լրահոս

Վրաստանում ավարտվել է Խադայի կիրճով անցնող կամրջի 300 մետրանոց կամարի կառուցումը։ Կամուրջը կդառնա Ռուսաստանի հետ սահման տանող նոր ավտոճանապարհի մի մասը։ Region Monitor-ի հաղորդմամբ՝ այս մասին նոյեմբերի 17-ին հայտնել է Վրաստանի տարածաշրջանային զարգացման և ենթակառուցվածքների նախարարությունը։ Կամրջի ընդհանուր երկարությունը կկազմի 437 մետր, իսկ բարձրությունը կիրճի հատակից՝ 166 մետր։ Գերատեսչության փոխանցմամբ՝ նման մասշտաբի կամարակապ կառույցը Վրաստանում աննախադեպ է։ Շինարարության հաջորդ փուլում կամարի վրա կտեղադրվեն հենասյուները, որից հետո կմեկնարկի ճանապարհային երթևեկելի հատվածի կառուցումը։ Քվեշեթի-Կոբի 23 կիլոմետրանոց երկշերտ ավտոճանապարհի նախագիծը նախատեսում է հինգ կամրջի և հինգ թունելի կառուցում։ Կրեստովի լեռնանցքի տակ արդեն ավարտվել է հիմնական և տարհանման թունելների հորատումը։ Դրանցից յուրաքանչյուրի երկարությունը 9 կիլոմետր է։ Նախագծի ընդհանուր արժեքը կազմում է 1,2 միլիարդ լարի։ Շինարարությունն իրականացվում է Վրաստանի պետական բյուջեի միջոցներով՝ Ասիական զարգացման բանկի (ԱԶԲ) և Վերակառուցման և զարգացման եվրոպական բանկի (ՎԶԵԲ) աջակցությամբ։ Նոր ճանապարհով երթևեկությունը նախատեսվում է բացել 2028 թվականին։ Նոր ավտոճանապարհը կդառնա «Հյուսիս-Հարավ» միջազգային տրանսպորտային միջանցքի մի մասը, որը կարևոր նշանակություն ունի Ռուսաստանի, Վրաստանի և Հայաստանի միջև բեռնափոխադրումների համար։ Ձմռան ամիսներին Գուդաուրի-Կոբի հատվածում ձյան տեղումների և ձնահոսքերի վտանգի պատճառով երթևեկությունը պարբերաբար սահմանափակվում է։ Նոր ճանապարհի կառուցումը թույլ կտա նվազեցնել բեռնափոխադրումների կախվածությունը եղանակային պայմաններից, փոխադրամիջոցները դուրս բերել Գուդաուրի լեռնադահուկային հանգստավայրի տարածքից, ինչպես նաև Քվեշեթիի և Կոբիի միջև ճանապարհի տևողությունը մեկ ժամից կրճատել մինչև 15 րոպե։

Լուրերի օրացույց

Հոկտեմբեր 2014
Երկ Երե Չոր Հնգ Ուրբ Շաբ Կիրակի
« Սեպտեմբեր   Նոյեմբեր »
 12345
6789101112
13141516171819
20212223242526
2728293031