ՆԱՏՕ-ն կարող է ցամաքային զորքեր տեղակայել Թուրքիայում. Սթոլթենբերգ
ТАСС-ի փոխանցմամբ՝ ՆԱՏՕ-ն չի բացառում, որ կարող է ցամաքային զորքեր տեղակայել Թուրքիայում, եթե ի հայտ գա վերջինիս սպառնացող վտանգ: Այս մասին լրագրողների հետ զրուցում հայտարարել է ՆԱՏՕ-ի գլխավոր քարտուղար Յենս Սթոլթենբերգը.
«Մեր գլխավոր առաջադրանքը Թուրքիայի տարածքային ամբողջականությունը պաշտպանելն է: Կա հնարավորություն այնտեղ զինված ուժեր տեղակայելու համար, եթե մենք տեսնենք (Թուրքիայի) անվտանգության սպառնացող ինչ-ինչ գործողություններ:
Մենք մտահոգ ենք Սիրիայում բռնությունների կապակցությամբ ու ապշած ենք «Իսլամական պետության» դաժանությունների կապակցությամբ: Դա լուրջ իրավիճակ է: Մենք մտավախություն ունենք, որ այն կարող է տարածվել Իրաքի մյուս շրջաննեի վրա:
ՆԱՏՕ-ն պատրաստ է աջակցել Իրաքի կառավարությանը՝ անվտանգության ուժերի ու ռազմական հնարավորությունների ամրապնդման համար, որպեսզի նա կարողանա պաշտպանվել «Իսլամական պետության» ահաբեկչական հարձակումներից»:
