ՌԴ ԱԳՆ-ն ԱՄՆ-ին հիշեցրել է Սիրիայի տարածքին հարվածելու պատասխանատվության մասին
Lenta.ru-ի փոխանցմամբ՝ ՌԴ ԱԳՆ-ը հայտարարել է, որ Սիրիայի տարածքում «Իսլամական պետության» զինյալների դիրքերին հրթիռա-ռմբային հարվածները կարող են անցկացվել միայն միջազգային իրավունքի շրջանակներում, այսինքն Սիրիայի կառավարության համաձայնությամբ կամ էլ ՄԱԿ ԱԽ-ի որոշմամբ:
ՌԴ ԱԳՆ-ն ընդգծել է, որ միջազգային իրավունքը չի նախատեսում հարվածների մասին միակողմանի ձևական իրազեկում, և որ ահաբեկչության դեմ պայքարը պահանջում է ՄԱԿ-ի հովանու ներքո ողջ միջազգային հանրության համակարգված ջանքեր.
«Միևնույն ժամանակ սեփական աշխարհաքաղաքական առաջադրանքները լուծելու փորձերը, որոնք խախտում են տարածաշրջանի երկրների ինքնիշխանությունը, միայն ուժեղացնում են լարվածությունն ու էլ ավելի են ապակայունացնում իրավիճակը:
Մոսկվայում քանիցս զգուշացրել են, որ միակողմանի ուժային սցենարների նախաձեռնողները կրում են դրանց հետևանքների ողջ միջազգային-իրավական պատասխանատվությունը»:
