Ուկրաինացի փախստականների թիվը հասել է մեկ միլիոն մարդու. ՄԱԿ
Ռուսական ИТАР-ТАСС լրատվական գործակալության փոխանցմամբ՝ Ուկրաինայի արևելքի հակամարտության հետևանքով փախստականների թիվը հասել է մեկ միլիոն մարդու: Այս տվյալները ներկայացրել է ՄԱԿ-ի՝ փախստականների հարցերով գերագույն հանձնակատարի վարչությունը:
Հաշվետվությունում նշված է, որ այդ մեկ միլիոն մարդուց 260.000-ը ներքին տեղահանվածներ են, Դոնբասի ևս 814.000 բնակիչ գտնվում է Ռուսաստանի տարածքում: ՄԱԿ-ի տվյալներով՝ Ուկրաինայի արևելքի հակամարտության հետևանքով զոհվել է 2593 և վիրավորվել է 5956 մարդ:
