Ադրբեջանցիները գնդակոծել են զինվորական մեքենան և Չինարին
tesankyun.am-ը գրում է. Հուլիսի 9-ի ցերեկը եւ լույս 10-ի գիշերը ադրբեջանական զինուժը գնդակոծել է Չինարի գյուղը: Չինարիի գյուղապետ Սամվել Սաղոյանի բջջային հեռախոսը չէր պատասխանում:
Չինարիի բնակիչներից տեղեկացանք, որ հուլիսի 9-ի կեսօրին ադրբեջանական զինուժը կրակ է բացել զինվորական մեքենայի վրա:
Ազերիների գնդակից ջարդվել է զինվորական մեքենայի դիմային ապակին,ջարդված ապակուց թեթեւ վնասվածք է ստացել մեքենայի մեջ գտնվող պայմանագրային զինծառայողը, ով Արծվաբերդ գյուղի բնակիչ է:
Հուլիսի 9-ի կեսօրից մինչեւ գիշերվա 1-ն անց 30-ի սահմանները ադրբեջանական զինուժը կրակել է Չինարիի վրա, գնդակները դիպել են տների տանիքներին, պատերին: Բարեբախտաբար, տուժածներ չկան:
