Եռակողմ հանդիպում կկայանա՞
«Ժամանակ» թերթի տեղեկություններով՝ ԱՄՆ-ը ՄԱԿ-ի գլխավոր ասամբլեայի շրջանակնեում ցանկանում է կազմակերպել եռակողմ հանդիպում ԱՄՆ պետքարտուղար Ջոն Քերրիի, Թուրքիայի արտգործնախարար Ահմեդ Դավութօղլուի և Հայաստանի արտգործնախարար Էդվարդ Նալբանդյանի միջև։ «Ժամանակ» թերթը հիշեցնում է, որ այս օրերին Նյու Յորքում գտնվող ՄԱԿ-ի Կենտրոնակայանում տեղի է ունենում գլխավոր ասամբլեայի 68-րդ նստաշրջանը և Նյու Յորք է մեկնում նաև Է. Նալբանդյանը։ Թերթին չի հաջողվել հնարավոր եռակողմ հանդիպման մասին տեղեկություններ ճշտել ՀՀ ԱԳՆ-ից։ Իսկ ՄԱԿ-ում Հայաստանի ներկայացուցչությունից պատասխանել են, որ իրենք նման տեղեկություն չունեն և իրավասու էլ չեն նման հարցերի պատասխանել։
Կարդացեք «Ժամանակի» այսօրվա համարում։
