Լյուդմիլա Յանուկովիչը 43 հազար դոլար արժողությամբ «Breguet» ժամացույց է կրում
Գործարարներն ու քաղաքական գործիչները իրենց կարգավիճակը հաճախ ընդգծում են ձեռքի ժամացույցների միջոցով: Այս աքսեսուրը գործարար ոճի կարեւոր ատրիբուտներից է, որը նախընտրում են նաեւ կանայք:
Luxlux.net-ը հայտնում է, որ օրինակ Ուկրաինայի առաջին տիկին Լյուդմիլա Յանուկովիչը կրում է շվեյցարական «Breguet» բրենդի «Reine de Naples» մոդելի ժամացույց, որի արժեքը 43 հազ. դոլար է: Այդ ժամացույցի կորպուսը պատրաստված է 18 կարատանոց սպիտակ ոսկուց եւ ձեւավորված 128 ադամանդով:
Սակայն ուկրաինական «էլիտայի» շրջանակներում սա ամենաթանկարժեք ժամացույց չէ. քաղաքական գործիչ Սերգեյ Տիգիպկոյի կինը`Վիկտորյան նախընտրում է «Rolex»-ի ժամացույց, որի արժեքը մոտ 51 հազար դոլար է:
Պատգամավոր եւ Բորիս Կոլեսնիկովի անձնական բժիշկ Տատյանա Բախտեեւան նույնպես «Breguet» է նախընտրում, բայց «Classique Grande Complication» մոդելի, որի արժեքը մոտ 108 հազար դոլար է:
