Ստեփանակերտում բացվել է Ամերիաբանկի մասնաճյուղը
Սեպտեմբերի 8-ին Ստեփանակերտում բացվել է Ամերիաբանկի «Ստեփանակերտ» մասնաճյուղի նոր մասնաշենքը:
ԼՂՀ նախագահ Բակո Սահակյանը կարեւորել է բանկային համակարգի դերը Արցախի սոցիալ-տնտեսական զարգացման գործում՝ հավելելով, որ դրան մեծապես նպաստում է առաջատար բանկերի մուտքը հանրապետություն: Երկրի ղեկավարը երախտագիտություն է հայտնել բարերար Ռուբեն Վարդանյանին այս ուղղությամբ աշխատանքներ իրականացնելու համար, հաղորդում են ԼՂՀ նախագահի մամուլի գրասենյակից:
Արարողությանը մասնակցել են Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԱԺ խոսնակ Աշոտ Ղուլյանը, վարչապետ Արա Հարությունյանը, ՀՀ կենտրոնական բանկի նախագահ Արթուր Ջավադյանը, պաշտոնատար այլ անձինք:
