Սիրիայում «Ալ-Քաիդայի» գերեվարված հրամանատարին փոխանակել են 400 քրդի հետ
Kurdishcenter.ru-ի փոխանցմամբ՝ Սիրիայում հյուսիսում գտնվող Թել-Աբեյդ քաղաքում ընդդիմադիր իսլամիստներն ազատ են արձակել 400 քրդի, ինչի դիմաց Սիրիայի քրդերն ազատ են արձակել «Ալ Քաիդայի» առաջնորդներից մեկին, որին գերեվարել էին օրեր առաջ և որը հայտնի է «Աբու Մուսաբ» մականվամբ:
Նշվում է, որ վերջին շաբվաթվա ընթացքում իսլամիստների ու քրդերի միջև տեղի ունեցած բախումների հետևանքով զոհվել է մոտ 50 մարդ: Թուրքական մամուլը հայտնել է, որ Թուրքիային սահմանակից Սիրիայի Ռաս-ալ-Այն շրջանում շարունակվում են բախումներն «Ջաբհաթ ալ-Նուսրա» խմբավորման իսլամիստների և քրդերի (PYD) միջև:
Դրա հետ մեկտեղ թուրք-սիրիական սահմանին շարունակում են հետախուզական թռիչքներ իրականացնել թուրքական մարտական ինքնաթիռներն ու անօդաչու թռչող սարքերը, որոնց տրվել է անհրաժեշտության դեպքում հարվածելու հրաման:
