Իրանը ներկայացրել է տանկային նոր տրանսպորտյոր
Irib News-ի փոխանցմամբ՝ Իրանը ներկայացրել է «Սայյադ» տանկային նոր տրանսպորտյոր: Այդ արարողակարգին մասնակցել է Իրանի զինված ուժերի ցամաքային զորքերի հրամանատար, բրիգադի գեներալ Ահմեդռեզա Պուրդաստանը:
Վերջինիս խոսքերով՝ տանկային «Սայյադ» տրանսպորտյորը կարող է տեղափոխել 200 տոննա քաշով ռազմական ծանր տեխնիկա:
Նա հավելել է, որ «Սայյադը» կարող է մանրևներ իրականացնել ամեն տիպի տարածքում և տարբեր եղանակային պայմաններում: Պուրդաստանն ընդգծել է, որ իրանական բանակն արդեն իսկ համալրվում է տվյալ տեխնիկայով:
Ցամաքային զորքերի հրամանատարի խոսքերով՝ մեծացվել է «Ֆաջր-5» հրթիռի թռիչքի հեռահարությունը, բարելավվել է դրա դիպուկությունը և հրթիռի ուժային հզորությունը:
