Պենտագոնի բարձրաստիճան պաշտոնյան լքել է ՆԱՏՕ-ի նիստը՝ Ուկրաինայի հարվածների վերաբերյալ քննադատությունից հետո
Պենտագոնի ռազմավարական պլանավորման վարչության ղեկավար Էլբրիջ Քոլբին լքել է Բրյուսելում անցկացվող ՆԱՏՕ-ի նիստը՝ Ռուսաստանի տարածքին Ուկրաինայի հասցրած հեռահար հարվածների վերաբերյալ քննադատությունից հետո։
Քոլբիի գնահատմամբ՝ այդ հարվածներն ունեցել են սահմանափակ ռազմական արդյունավետություն և չեն կարողացել կասեցնել ռուսական զորքերի առաջխաղացումը։
Նա հեռացել է նիստից՝ նախքան Ուկրաինայի պաշտպանության նախարարի մասնակցությամբ նախատեսված փակ ճեպազրույցի մեկնարկը, որի ընթացքում պետք է քննարկվեր այդ հարվածների արդյունավետությունը։
Արդյունքում, նիստի մնացած հատվածում ԱՄՆ-ի շահերը ներկայացրել է ՆԱՏՕ-ում ԱՄՆ դեսպանը։
Քոլբիի հայտարարություններն ու նիստը վաղաժամ լքելու որոշումը մտահոգություն են առաջացրել եվրոպացի պաշտոնյաների շրջանում։
Գերմանական աղբյուրների փոխանցմամբ՝ Բեռլինում մտավախություն են հայտնել, որ ԱՄՆ-ն փաստացի դիրքորոշում է որդեգրում, որն ավելի մոտ է Ռուսաստանի, քան Ուկրաինայի և նրա դաշնակիցների դիրքորոշմանը։

