Բալթյան երկրների պաշտպանության նախարարները գաղտնի նամակ են գրել ֆոն դեր Լայենին. Iltalehti
Բալթյան երկրների պաշտպանության նախարարները գաղտնի նամակ են գրել Եվրահանձնաժողովի ղեկավար Ուրսուլա ֆոն դեր Լայենին՝ խնդրելով կես միլիարդ եվրո հատկացնել ԱԹՍ-ների դեմ պայքարի համար, գրում է ֆիննական Iltalehti թերթը՝ հղում անելով իրազեկ աղբյուրներին։
«Երկրները նամակն ուղարկել են ԵՀ երկուշաբթի օրը։ Նամակը ստորագրել են Էստոնիայի պաշտպանության նախարար Մարտին Հերեմը, Լատվիայի պաշտպանության նախարար Ռայվիս Մելնիսը և Լիտվայի պաշտպանության նախարար Ռոբերտաս Կաունասը», — ասվում է նյութում։
Պարբերականի տվյալներով՝ դիմումը պարունակում է խնդրանք՝ անհապաղ Բալթյան երկրներին հատկացնել 500 միլիոն եվրո՝ անօդաչու սարքերի դեմ պայքարի համակարգն ամրապնդելու համար։
«Երկրները հույս ունեն, որ ԵՄ-ն կկարողանա տարածաշրջանում անօդաչու սարքերից պաշտպանության համար լրացուցիչ ֆինանսավորում տրամադրել արդեն 2026 թվականին», — հայտնում է թերթը։
Պարբերականը նշում է, որ նամակը չի հրապարակվել բաց աղբյուրներում, իսկ նման գաղտնիության պատճառը չի բացահայտվում։
Աղբյուրները հաստատել են, որ ֆոն դեր Լայենը ստացել է նամակը, սակայն չեն հստակեցրել՝ արդյոք նա պատասխանե՞լ է դրան։
Վերջին շրջանում Բալթյան երկրների օդային տարածքում բազմիցս հայտնվել են ուկրաինական դրոններ։ Ընդ որում, Էստոնիան, Լատվիան և Լիտվան ավելի վաղ պնդում էին, թե իբր Ուկրաինային թույլտվություն չեն տվել իրենց տարածքներն ու օդային տարածքն օգտագործել Ռուսաստանում գտնվող օբյեկտների վրա անօդաչու սարքերի հարձակումների համար։
