Չինաստանը և ԱՄՆ-ն ցանկանում են «թեժ գիծ» ստեղծել արհեստական բանականության հետ կապված միջադեպերի համար. Բեսենթ
Չինաստանը և ԱՄՆ-ն ցանկանում են «թեժ գիծ» ստեղծել արհեստական բանականության հետ կապված միջադեպերի համար. այս մասին հայտարարել է ԱՄՆ ֆինանսների նախարար (գանձապետարանի քարտուղար) Սքոթ Բեսենթը:
Նա ՉԺՀ փոխվարչապետ Հե Լիֆենի հետ բանակցություններից հետո պատմել է, որ երկրները պատրաստվում են սահմանել նեյրոցանցերի հետ կապված հիմնական վտանգները։
«Լինեն դրանք անվերահսկելի գործակալներ, ոչ պետական դերակատարներ կիբերտարածությունում, թե կենսաբանական զենքի հետ կապված ոչ պետական դերակատարներ»,-նշել է Բեսենթը։
Հիշեցնենք, Anthropic-ի ղեկավարն ավելի վաղ կոչ էր արել դանդաղեցնել ԱԲ մոդելների զարգացումը։ Նա մտավախություն ունի, որ արհեստական բանականությունը 6-12 ամսվա ընթացքում գրավելու է համացանցը և ռիսկեր է առաջացնելու մարդկության համար։
Նրա կոչին միացել են նաև այլ ընկերություններ։ Դրանից հետո Anthropic-ի, Google-ի, OpenAI-ի և SpaceXAI-ի դեմ հայցեր են ներկայացրել նրանց վճարովի բաժանորդ-օգտատերերը՝ ԱՄՆ-ում մի խումբ իրավաբանների ներկայացուցչությամբ:
