Իրանը մոտ 250 «դավաճանի» ունեցվածք է բռնագրավել
Իրանի իշխանությունները 240 մարդու ունեցվածք են առգրավել, որոնք մեղադրվում են Իսրայելի և այլ «թշնամական երկրների» հետ կապ ունենալու մեջ, հաղորդում է իրանական IRIB պետական հեռուստաալիքը։
Իրավապահները նշել են, որ այդ անձինք «երկրի դեմ քարոզչություն կամ գործնական գործողություններ են իրականացրել», ինչի հետևանքով Իրանի ենթակառուցվածքներին «մեծ վնաս» է հասցվել։
«Այս ունեցվածքը պատկանում է իրանցի ժողովրդին, և դատական համակարգը կհետևի, որպեսզի այս ունեցվածքը հնարավոր լինի օգտագործվել զոհերին փոխհատուցում տրամադրելու համար», – IRIB-ին ասել է Արդարադատության նախարարության խոսնակը։
Անցյալ տարի Իրանն ընդունել է լրտեսության մասին օրենք, որը թույլ է տալիս իրանցիներին մահապատժի ենթարկել և բռնագրավել նրանց բոլոր ակտիվները ԱՄՆ-ին, Իսրայելին կամ որևէ այլ «թշնամական» պետության կամ խմբի օգնելու համար։
Հանցագործությունները ներառում են Իսրայելի գոյությունը «օրինական համարելուց» մինչև պատկերների կամ տեղեկատվության փոխանակում արտասահմանյան ցանցերի հետ։
