Իրանը միջնորդների միջոցով ԱՄՆ-ին է փոխանցել Հորմուզի նեղուցը բացելու վերաբերյալ յոթ պայման
Իրանը միջնորդների միջոցով ԱՄՆ-ին է փոխանցել Հորմուզի նեղուցը բացելու վերաբերյալ յոթ պայման, հայտնում է «Tasnim»-ը։
Ավելի վաղ Իրանի արտաքին գործերի նախարարությունը հայտարարել էր, որ Թեհրանը սեպտեմբերի 14-ին՝ երկուշաբթի օրը, Օմանում հանդիպում կանցկացնի Իրաքի և Պարսից ծոցի երկրների մասնակցությամբ՝ քննարկելու Հորմուզի նեղուցում առևտրային նավագնացության անվտանգ երթուղիները։
«Իրանը միջնորդների միջոցով ԱՄՆ-ին է ներկայացրել Հորմուզի նեղուցի բացման վերաբերյալ յոթ պայման, և նեղուցը կմնա փակ, քանի դեռ չեն կատարվել Իրանի բարձրաստիճան պաշտոնյաների կողմից հաստատված այդ յոթ պայմանները», – գործակալությանը հայտնել է աղբյուրը։
Ինչպես ավելի վաղ հաղորդել էր Tasnim-ը, Հորմուզի նեղուցի վերաբերյալ Իրանի և Օմանի միջև ձեռք բերված պայմանավորվածությունները չեն նախատեսում այդ ջրային ուղու բացումը։ Համաձայնագրի շրջանակում կողմերը վերջնական տեսքի են բերել Հորմուզի նեղուցի հիմնական մուտքի և ելքի երթուղիները։
