Մակրոնն առաջարկում է ԵՄ-ում արգելել սոցցանցերը մինչև 15 տարեկան երեխաների համար
Ֆրանսիայի նախագահ Էմանուել Մակրոնն առաջարկել է Եվրամիությունում օրենք ընդունել, որով կարգելվի սոցցանցերի օգտագործումը 15 տարեկանից փոքր երեխաների համար։
Այս մասին նա գրել է Եվրոպական հանձնաժողովի ղեկավար Ուրսուլա ֆոն դեր Լյայենին ուղղված նամակում։ Մակրոնը նաև առաջարկել է.
- Ստեղծել ընդհանուր կանոններ, որոնք թույլ կտան բացահայտել և վերահսկել սոցցանցերի այն գործառույթները, որոնք կախվածություն են առաջացնում։
- Սահմանել անվտանգության խիստ պահանջներ բոլոր թվային հարթակների համար, որոնք պարտադիր կլինեն բոլորի համար։
