Իրանի դեմ պայքարում Թուրքիան, Ադրբեջանը և արաբական երկրները ոչ հրապարակային աջակցություն են ցուցաբերում ԱՄՆ-ին․ Ջեյ Դի Վենս
ԱՄՆ փոխնախագահ Ջեյ Դի Վենսը հայտարարել է, որ մի շարք երկրներ Վաշինգտոնին ոչ պաշտոնական աջակցություն են ցուցաբերում, որպեսզի Իրանին «ստիպեն պատասխանատվություն կրել առևտրային նավագնացությանը հասցված հարվածների համար»։
«Եթե նայենք Թուրքիային, Ադրբեջանին, Կատարին, ԱՄԷ-ին, Սաուդյան Արաբիային և ընդհանրապես ողջ աշխարհին, ապա իրականում տեսնում ենք, որ շատ երկրներ ոչ պաշտոնական խողովակներով մեծ աշխատանք են տանում՝ օգնելով մեզ հասնել նրան, որ իրանցիները պատժվեն առևտրային նավերի վրա կրակելու համար», — նշել է Վենսը։
Միևնույն ժամանակ, նա չի հստակեցրել, թե աջակցության կոնկրետ ինչ քայլերի մասին է խոսքը։
