Գազայում իսրայելական հարվածների հետևանքով զոհվել է առնվազն 4 մարդ
Գազայի հատվածում Իսրայելի կողմից իրականացված կրակոցների և օդային հարվածների հետևանքով զոհվել է առնվազն չորս մարդ, այդ թվում՝ երեք երեխա, Reuters-ի փոխանցմամբ՝ հայտնել են առողջապահության պաշտոնյաները։
Իսրայելի զինված ուժերը հայտարարել են, որ հարվածել են Գազայի հատվածում գտնվող մի քանի թիրախների՝ Իսրայելի անվտանգության ուժերին սպառնացող վտանգները վերացնելու համար։
«Համաս»-ի կողմից ղեկավարվող Գազայի կառավարության մամուլի գրասենյակի տնօրենն ասել է, որ Իսրայելի հատուկ նշանակության ուժերը փորձել են գործողություն իրականացնել Գազա քաղաքում, սակայն հայտնաբերվել են առաքելության ընթացքում։
