Վրաստանում փոխել են նախագահական ընտրությունների անցկացման ժամկետը
Грузия Online-ի փոխանցմամբ` Վրաստանում նախագահական ընտրություններն անցկացվելու են հոկտեմբերի 27-ին, ինչպես որ այդ մասին հայտարարվել էր նախապես: Այս մասին հայտարարել էր նախագահի աշխատակազմի ղեկավար Անդրո Բարնովը:
Հուլիսի 1-ին նախագահի մամլո քարտուղար Մանանա Մանջգալաձեն հայտարարել էր, որ նախագահը հրահանգել է ընտրություններն անցկացնել հոկտեմբերի 27-ին, սակայն այդ գիշեր Վրաստանի նախագահական աշխատակազմը արեց նոր հայտարարություն, ըստ որի` ընտրություններն անցկացվելու են հոկտեմբերի 31-ին:
Դրանից հետո ոչ կառավարական ու քաղաքական սեկտորը նախագահից պահանջել էր փոխել ընտրությունների ժամկետը, քանի որ այն անցկացվելու էր հինգշաբթի, աշխատանքային օր, և Վրաստանի բազմաթիվ քաղաքացիներ չէին կարողանա մասնակցել դրան: Խոսքը հիմնականում վերաբերում էր արտասահմանաբնակ վրացիներին:
