Գելենջիկում ԱԹՍ–ի բեկորների ընկնելու հետևանքով 3 մարդ զոհվել է, 13-ը` տուժել
Գելենջիկում անօդաչուի բեկորների ընկնելու հետևանքով կան զոհեր և տուժածներ։ Այս մասին հայտնել է մարզպետ Վենիամին Կոնդրատևը։
«Գելենջիկում ողբերգություն է տեղի ունեցել։ Նախնական տեղեկություններով՝ Արխիպո-Օսիպովկա գյուղում անօդաչուի բեկորների ընկնելու հետևանքով 3 մարդ է զոհվել։ Անկեղծ ցավակցություն եմ հայտնում հարազատներին և մտերիմներին։ Եվս 13 մարդ է տուժել, այդ թվում՝ երեխաներ», – ասվում է հաղորդագրության մեջ։
Նշվում է, որ տուժածներին օգնություն է ցուցաբերվում։
Հարձակման թիրախը քաղաքացիական ենթակառուցվածքներն էին։ Բեկորների ընկնելու վայրերում աշխատում են արտակարգ և հատուկ ծառայությունների աշխատակիցներ։ Հաղորդագրության մեջ նշվում է, որ Գելենջիկի ղեկավար Ալեքսեյ Բոգոդիստովը անհրաժեշտ ողջ աջակցությունը կտրամադրի տուժածներին և զոհվածների ընտանիքներին։
