Ռուսական հրթիռային հարձակումը Կիևի վրա․ ինը մարդ է զոհվել, տասնյակներ՝ տուժել
Ռուսաստանի գիշերային հրթիռային հարձակման հետևանքով Կիևում զոհվել է 9 մարդ, ևս 27-ը ստացել են տարբեր աստիճանի վնասվածքներ, հայտնել են Ուկրաինայի արտակարգ իրավիճակների պետական ծառայությունից։
Փրկարարների տվյալներով՝ գնդակոծության հետևանքները գրանցվել են ուկրաինական մայրաքաղաքի միանգամից հինգ շրջաններում՝ Սոլոմենսկի, Դառնիցկի, Շևչենկովսկի, Դնեպրովսկի և Պեչերսկի, հայտնում է ՌԲԿ-Ուկրաինան։
Սոլոմենսկի շրջանում երկու մարդ զոհվել է, ևս ութը տուժել են, նրանց թվում՝ երկու երեխա։ Հարվածի հետևանքով տեղի է ունեցել բազմահարկ բնակելի շենքի մասնակի փլուզում եւ բռնկվել է հրդեհ։
Այրվել են նաև ավտոկայանատեղիում գտնվող մեքենաները։ Երեք տուժած հոսպիտալացվել է, իսկ փրկարարները շենքի վերին հարկերից տարհանել են 35 բնակչի։
