Հուլիսի 21-ի գիշերը արեգակնային հզոր բռնկում է տեղի ունեցել
Այս գիշեր նոր հզոր արեգակնային բռնկում է տեղի ունեցել, հայտնել է Կիրառական երկրաֆիզիկայի ինստիտուտը։
«Հուլիսի 21-ին, Մոսկվայի ժամանակով ժամը 01:25-ին, արևաբծերի 4493 (N05E08) խմբի ռենտգենյան տիրույթում գրանցվել է 16 րոպե տևողությամբ M3.4 բռնկում», – ասվում է հայտարարության մեջ։
Բացի այդ, նշվում է, որ հուլիսի 20-ին գրանցվել են երկու ուժեղ բռնկումներ՝ M2.5 և M1.1։
Ավելի վաղ հաղորդվել էր, որ հուլիսի 22-ին Երկրի վրա G1-G2 մակարդակի մագնիսական փոթորիկներ են սպասվում։
Արեգակնային բռնկումները, կախված ռենտգենյան ճառագայթման հզորությունից, բաժանվում են հինգ դասի՝ A, B, C, M և X։ A0.0 նվազագույն դասը համապատասխանում է Երկրի ուղեծրում մեկ քառակուսի մետրի վրա 10 նանովատտ ճառագայթման հզորությանը։ Հաջորդ դասին անցնելիս հզորությունը 10 անգամ մեծանում է։ Բռնկումները կարող են ուղեկցվել արևային պլազմայի արտանետումներով, որոնց ամպերը, հասնելով Երկիր, կարող են մագնիսական փոթորիկներ առաջացնել։
