Եվրասիական միությունը սկսում է ներմուծվող բջջային հեռախոսների IMEI կոդերի ստուգման համակարգ ներդնել
Առայժմ այդ կոդերի ստուգումը ԵԱՏՄ իրավական դաշտում գրանցված է միայն Ղազախստանի և Ղրղզստանի համար, ընդ որում և՛ այն դեպքերում, երբ սպառողներն ինքնուրույն են հեռախոս ներկրում, և՛ էլեկտրոնային առևտրով պատվերի դեպքում (և՛ անմիջապես արտասահմանյան էլեկտրոնային հարթակներից, և՛ Եվրասիական միության տարածքում գտնվող պահեստներից)։
Այդ պահանջները կսկսեն կիրառվել ԵԱՏՄ մաքսային օրենսգրքում փոփոխությունների ուժի մեջ մտնելու պահից։
«Հաշվի առնելով ԵԱՏՄ տարածք ներմուծվող` բջջային կապի բաժանորդային սարքերի գրանցման և ստուգման անհրաժեշտության միտումները՝ կարծում ենք, որ IMEI կոդերի նշման անհրաժեշտությունը ժամանակի ընթացքում կտարածվի նաև ԵԱՏՄ մյուս երկրների վրա», – Armenia Sputnik-ին հայտնեցին ԵԱՏՄ մաքսային օրենսդրության և իրավակիրառական պրակտիկայի բաժնից։
