2020 թվականին ՉԺՀ-ն ստացել է ԱՄՆ 220 մլն ընտրողների տվյալների հասանելիություն. Թրամփ
Չինաստանը 2020 թվականին չարտոնված հասանելիություն է ստացել ԱՄՆ-ում 220 մլն ընտրողների գրառումների նկատմամբ: Այս մասին հայտարել է ԱՄՆ նախագահ Դոնալդ Թրամփը, հայտնում է ՏԱՍՍ-ը:
«Որոշ ժամանակ, սկսած 2020 թվականի ընտրական ցիկլից, ՉԺՀ-ն իրականացրել է այն, ինչը, հավանաբար, դարձել է պատմության մեջ տվյալների ամենախոշոր փոխզիջումը։ Սա թույլ է տվել Չինաստանին անօրինական կերպով ստանալ ամերիկացի ընտրողների 220 մլն գրառում։ Այդ տեղեկությունները ներառում էին անուններ, հասցեներ, հեռախոսահամարներ, քաղաքական հայացքներ և այլ զգայուն տեղեկատվություն»,- հայտարարել է նա՝ Սպիտակ տանը քաղաքացիներին ուղղված հեռուստաուղերձի ժամանակ։
Վաշինգտոնում ՉԺՀ դեսպանատունը մերժել է այդ զրպարտությունները։ Ինչպես հավաստիացրել է ՏԱՍՍ-ին դիվանագիտական առաքելության մամուլի քարտուղար Լյու Չանը, Չինաստանը միշտ հավատարիմ է մնացել այլ պետությունների ներքին գործերին չմիջամտելու սկզբունքին։
«Ամերիկյան ընտրությունները Միացյալ Նահանգների ներքին գործն են։ Դրանց արդյունքը որոշվում է ամերիկացի ժողովրդի քվեարկությամբ։ Չինաստանը երբեք չի միջամտել և երբեք չի միջամտելու Միացյալ Նահանգների նախագահական ընտրությունների ընթացքին»,- հայտարարել է դիվանագետը։
