Դիարբեքիրում բախումներ են գրանցվել. կա 2 զոհ
Haqqin.az-ի փոխանցմամբ`Թուրքիայի հարավ-արևելյան հատվածում գտնվող Դիարբեքիրի նահանգում երեկ բախումներ են գրանցվել տեղաբնակների ու անվտանգության ուժերի միջև:
Բախումների պատճառը Ժանդարմերիայի կողմից նոր ամրացված շրջանի կառուցումն է: Բախման հետևանքով զոհվել է 2 և վիրավորվել է 7 մարդ: Ոստիկանների թվում չկան տուժածներ:
Բախումները սկսվել են այն բանից, երբ մի շարք ցուցարարներ մոլոտովյան կոկտեյլներ են նետել շինհրապարակի վրա: Ժանդարմները նրանց կարգադրել են հեռանալ, սակայն նրանց վրա նետել են քարեր:
Ժանդարմները ցուցարարների նկատմամբ կիրառել է արցունքաբեր գազ: Նշվում է, որ ցուցարարների թվում եղել են քրդական «Խաղաղություն ու ժողովրդավարություն» կուսակցության համակիրներ: Երկու մարդու զոհվելու պատճառներն անհայտ են:
