Վենեսուելայում երկրաշարժի զոհերի թիվը հասել է 3811-ի
Վենեսուելայում տեղի ունեցած ավերիչ երկրաշարժի զոհերի թիվը հասել է 3811-ի: Այդ մասին Venezolana de Televisión հեռուստաալիքի եթերում հայտնել է խորհրդարանի նախագահ Խորխե Ռոդրիգեսը։
Նա հայտնել է, որ 16 740 մարդ վիրավորվել է, 17 907-ը՝ զրկվել օթևանից։ 190 շենք ամբողջությամբ ավերվել է, իսկ 856-ը՝ զգալիորեն վնասվել։ Որոնողափրկարարական գործողությունների ընթացքում փրկվել է 6 462 մարդ, 27 398 մարդ բուժում է ստացել հիվանդանոցներում և բժշկական հաստատություններում։ Օգնություն է տրամադրվել 86 794 ընտանիքի, տուժածներին բաժանվել է 9 603 տոննա սննդամթերք։
Երկրաշարժը Վենեսուելայում տեղի էր ունեցել հունիսի 24-ի երեկոյան։ Մոտ 40 վայրկյան ընդմիջումներով գրանցվել են երկու հզոր ստորգտնյա ցնցում՝ 7,2 և 7,5 մագնիտուդով։ Դրանց էպիկենտրոնները գտնվել են միմյանցից 10 կիլոմետր հեռավորության վրա՝ Յարակույի նահանգում։ Երկրաշարժին հաջորդած օրերի ընթացքում տեղի է ունեցել ավելի քան 1000 հետցնցում:
