Թեհրանում հանդիպել են Փաշինյանն ու Փեզեշքիանը
Նիկոլ Փաշինյանը Թեհրանում հանդիպել է Իրանի Իսլամական Հանրապետության նախագահ Մասուդ Փեզեշքիանի հետ։ Լուրը հրապարակվել է վարչապետի կայքում։
Երկրների ղեկավարների վերահաստատել են հարաբերությունների բարձր մակարդակն ու ռազմավարական կապերը զարգացնելու պատրաստակամությունը։
«Կողմերը մտքեր են փոխանակել նաև տարածաշրջանային նշանակության հարցերի շուրջ՝ կարևորելով խաղաղության, կայունության և տարածաշրջանային համագործակցության ամրապնդմանն ուղղված հետևողական քայլերի իրականացումը»,– ասված է հաղորդագրությունում։
Նշվում է, որ Փաշինյանը ևս մեկ անգամ ցավակցություն է հայտնել ԻԻՀ գերագույն առաջնորդ Ալի Խամենեիի մահվան կապակցությամբ՝ ընդգծելով, որ Հայաստանը վշտակցում է Իրանի ժողովրդին։
Փեզեշքիանն էլ շնորհակալություն է հայտնել վարչապետ Նիկոլ Փաշինյանին Ալի Խամենեիի հրաժեշտի պաշտոնական արարողությանը մասնակցելու նպատակով Թեհրան ժամանելու համար։ Նա նշել է, որ Իրանի Իսլամական Հանրապետությունը բարձր է գնահատում դժվարին իրավիճակում Իրանի նկատմամբ Հայաստանի կառավարության որդեգրած դիրքորոշումը և ցուցաբերած մարդասիրական աջակցությունը։
Փեզեշքիանը նաև շնորհավորել է Նիկոլ Փաշինյանին խորհրդարանական ընտրություններում հաղթելու առթիվ։
