Դադարեցվել է «Ծիրան մարկետ» ՍՊԸ-ի պահեստի շահագործումը. պահեստը նաև կապարակնքվել է
ՀՔՏՀԱ տեսչական մարմինը դադարեցրել է «Ծիրան մարկետ» ՍՊԸ-ի պահեստի շահագործումը. պահեստը նաև կապարակնքվել է
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի հանձնարարագրի հիման վրա Տեսչական մարմնի մասնագետների կողմից ստուգում է իրականացվել ՀՀ, քաղաք Երևան, Դավթաշեն 𝟒-րդ թաղամաս, 𝟑𝟐 հասցեում շահագործվող «Ծիրան Մարկետ» ՍՊ ընկերության կողմից շահագործվող սուպերմարկետում։
Ստուգման արդյունքում առևտրային սրահում և պահեստային հատվածում հայտնաբերվել և արձանագրվել են հրդեհային անվտանգության նորմատիվ պահանջների շուրջ երկու տասնյակին հասնող խախտումներ։
Առևտրի սրահում արձանագրված խախտումների մասով Տեսչական մարմնի կողմից տրվել է կարգադրագիր՝ սեղմ ժամկետներում վերացնել արձանագրված խախտումները, իսկ պահեստային հատվածում հաշվի առնելով արձանագրված խախտումների ռիսկայնությունը և վտանգավորությունը՝ Տեսչական մարմնի ղեկավարի կողմից կայացվել է որոշում ամբողջությամբ դադարեցնել ՀՀ, քաղաք Երևան, Դավթաշեն 𝟒-րդ թաղամաս, 𝟑𝟐 հասցեում գործող պահեստի շահագործումը՝ մինչև հայտնաբերված խախտումների վերացումը։
Տեսչական մարմնի ղեկավարի կողմից կայացված որոշման հիման վրա Հարկադիր կատարումն ապահովող ծառայությունում հարուցված կատարողական վարույթի շրջանակում կապարակնքվել է նշված հասցեի պահեստի շահագործումը՝ մինչև հայտնաբերված խախտումների վերացումը։
