Ֆիլիպինների երկրաշարժից տուժել է ավելի քան 145 000 մարդ
Ավելի քան 145 000 մարդ է տուժել 7,8 մագնիտուդով երկրաշարժից, որը հունիսի 8-ին տեղի է ունեցել ֆիլիպինյան Մինդանաո հարավային կղզում: Այս մասին հաղորդում է Manila Bulletin հրատարակությունը՝ հղում անելով Ֆիլիպինների սոցիալական ապահովության և զարգացման վարչությանը։
«Երկրաշարժից տուժել է 145 700 մարդ կամ 33 000 ընտանիք։ Տուժածներին նախնական օգնության համար հատկացվել է 4,23 միլիոն ֆիլիպինյան պեսո (68 600 դոլար)։ Շրջաններին օգնություն ցուցաբերելու գործողություններում գործի են դրվել ուղղաթիռներ, նավեր և առափնյա պահպանության նավեր։ Աղետի գոտիներ են հասցվում պարենի փաթեթներ ու վրաններ», – գրում է պարբերականը։
Երկրաշարժի հետևանքների վերացման աշխատանքները բարդացնում են սողանքներից արգելափակված ճանապարհները։
ԱՄՆ երկրաբանական ծառայության տվյալներով՝ երկրաշարժի էպիկենտրոնը գտնվել է 35 կիլոմետր խորության վրա։ Ամերիկացի սեյսմոլոգները նշել են, որ 7,8 մագնիտուդով հիմնական ցնցումին հաջորդել է 6,5 մագնիտուդով հետցնցում։
Հունիսի 9-ին ավելի վաղ հաղորդվել է, որ Ֆիլիպիններում տեղի ունեցած երկրաշարժի հետևանքով զոհերի թիվը հասել էր 37-ի։
