Մխիթարյանի Լիվերպուլ տեղափոխությանը կարող է խանգարել միայն Բորուսիան
«Լիվերպուլի» գլխավոր մարզիչ Բրենդան Ռոջերսը հաստատապես որոշել է ձեռք բերել «Շախտյորի» և Հայաստանի հավաքականի կիսապաշտպան Հենրիխ Մխիթարյանին և վճարել «հանքափորների» պահանջած գումարը: Այս մասին հայտնում է Telegraph Sport-ը:
Ինչպես արդեն տեղեկացվել էր, անգլիական ակումբի տնօրեն Յեն Էյրը հետաձգել է իր այցը Բրազիլիա, որպեսզի անձամբ զբաղվի Մխիթարյանի տրանսֆերի գործարքի իրականացմամբ:
Առաջիկա 48 ժամվա ընթացքում ակումբի ներկայացուցիչները հանդիպում կունենան ֆուտբոլիստի հետ:
Սակայն, աղբյուրի փոխանցմամբ, «Լիվերպուլի» համար կարող է լուրջ մրցակից դառնալ Դորտմունդի «Բորուսիան», որը նույնպես հետաքրքրված է Մխիթարյանի ծառայություներով:
Մարզական լրահոսն ապահովում է SportArmenia.com-ը
