Հինգ ամսում օդային ճանապարհով Հայաստանը լքել է շուրջ 51.6 հազ. մարդ
Այս տարի հունվար-մայիս ամիսներին Հայաստանից օդային ճանապարհով («Զվարթնոց» և «Շիրակ» օդանավակայանների միջոցով) մեկնել է 312 հազ. 340 մարդ, ժամանել՝ 261 հազ. 703 մարդ: ՀՀ քաղաքացիական ավիացիայի գլխավոր վարչության հրապարակած տվյալների համաձայն՝ 2013 թ. առաջին 5 ամիսներին հանրապետությունից մեկնել և չի վերադարձել 51 հազ. 637 մարդ:
Նկատենք, որ ներկայումս արձակուրդային շրջան է և ժամանողների թվի ավելացման շնորհիվ բացասական հաշվեկշիռը կրճատվում է:
