Աջափնյակ վարչական շրջանում կրակnցներ են հնչել, կա զոհ և վիրավորներ

Երևանի Աջափնյակ վարչական շրջանում կրակոցներ են հնչել:

Ձեռնարկվում են անհետաձգելի օպերատիվ-հետախուզական միջոցառումներ՝ դեպքի բոլոր հանգամանքները պարզելու ուղղությամբ, հայտնում են ՆԳՆ-ից:

Ըստ նախնական տեղեկությունների, 6 վիրավոր կա։ Տեղեկությունը հայտնում է shamshyan.com–ը։

Ըստ լրատվամիջոցի` իրավապահները դեպքի վայրում հայտնաբերել են ատրճանակից ու ինքնաձիգից արձակված կրակոցի հետքեր, դանակ և արյան հետքեր։

Կրակոցները հնչել են ժամը 16:00-ի սահմաններում։

Դեպքի վայր է ժամանել նաև ՀՀ ոստիկանապետ Կամո Ցուցուլյանը։

ՀՀ ներքին գործերի նախարարությունից Sputnik Արմենիային հայտնեցին, որ ոստիկանության ծառայողները անհետաձգելի օպերատիվ-հետախուզական միջոցառումներ են ձեռնարկում դեպքի բոլոր հանգամանքները պարզելու ուղղությամբ։ Կտրվի լրացուցիչ տեղեկություն։