Goal-ը թարմացրել է «Ոսկե գնդակ-2026-ի» գլխավոր հավակնորդների վարկանիշը

Չեմպիոնների լիգայի խաղարկության լիգայի փուլի 5-րդ տուրից հետո հեղինակավոր Goal պորտալը թարմացրել է հաջորդ տարվա՝ 2026 թվականի «Ոսկե գնդակի» մրցանակին հավակնող ֆուտբոլիստների վարկանիշային աղյուսակը։

Վարկանիշային աղյուսակը շարունակում է գլխավորել Մյունխենի «Բավարիայի» անգլիացի հարձակվող Հարի Քեյնը, որն ընթացիկ մրցաշրջանում արդեն խփել է 29 գոլ։

Երկրորդ տեղում է Մադրիդի «Ռեալի» ֆրանսիացի հարձակվող Կիլիան Մբապեն։ Եռյակը եզրափակում է «Մանչեսթեր Սիթիի» նորվեգացի հարձակվող Էրլինգ Հալանդը։

Նունու Մենդեշը, Պեդրին, Բուկայո Սական և Վինիսիուսը հոկտեմբերի համեմատ դուրս են մնացել լավագույն տասնյակից, և նրանց փոխարինել են Դեկլան Ռայսը, Մայքլ Օլիսեն, Էստևաոն և Լուիս Դիասը։

Goal-ի վարկածով 2026 թվականի «Ոսկե գնդակի» 10 հավակնորդները՝

1. Հարի Քեյն («Բավարիա»)
2. Կիլիան Մբապե («Ռեալ Մադրիդ»)
3. Էրլինգ Հալանդ («Մանչեսթեր Սիթի»)
4. Դեկլան Ռայս («Արսենալ»)
5. Լամին Յամալ («Բարսելոնա»)
6. Վիտինյա (ՊՍԺ)
7. Մայքլ Օլիսե («Բավարիա»)
8. Լուիս Դիաս («Բավարիա»)
9. Էստևաո («Չելսի»)
10. Աշրաֆ Հակիմի (ՊՍԺ)