Պենտագոնը Թույլատրել է Սպիտակ Տանը Թոմահավք hրթիռներ Փոխանցել Ուկրաինային. CNN
Պենտագոնը Սպիտակ տանը թույլատրել է Ուկրաինային փոխանցել մեծ հեռահարության «Թոմահավք» (Tomahawk) թևավոր հրթիռներ՝ գտնելով, որ դա չի վնասի ամերիկյան զինանոցի պաշարներին. ուրբաթ օրը հայտնել է CNN հեռուստաալիքը՝ հղում անելով ԱՄՆ-ի և Եվրոպայի իր աղբյուրներին։
Ավելի վաղ ԱՄՆ նախագահ Դոնալդ Թրամփը ՆԱՏՕ-ի գլխավոր քարտուղար Մարկ Ռյուտեի հետ հանդիպման ժամանակ հայտարարել էր, որ միայն Միացյալ Նահանգներն ունեն «Թոմահավք»-ների կիրառման կարողությունները և այդ գիտելիքը ոչ մեկի հետ չեն կիսի։
Մինչ այդ էլ նա հայտարարել էր, որ այդ հրթիռներն ավելի շատ ԱՄՆ-ին են պետք և հրաժարվել էր Ուկրիանային տալ: CNN-ի տվյալներով՝ տվյալ հրթիռների փոխանցման վերաբերյալ վերջնական քաղաքական որոշումն այժմ մնում է ԱՄՆ նախագահի հայեցողությանը։
Ի պատասխան զարգացումների, Ռուսաստանի նախագահ Վլադիմիր Պուտինը հոկտեմբերի 23-ին հայտարարել էր, որ Ռուսաստանի պատասխանը՝ «Թոմահավք» հրթիռներով երկրի տարածքին հարվածներ հասցնելու դեպքում, կլինի «լուրջ, եթե չասենք՝ ապշեցուցիչ»։
ՌԴ նախագահի մամուլի քարտուղար Դմիտրի Պեսկովը, երբ լրագրողները խնդրել են պարզաբանել Պուտինի հայտարարությունը, ասել է, որ նախագահի հայտարարությունը հնարավոր հարվածների վերաբերյալ «կարծրահայաց է և սպառիչ, այստեղ պարզաբանելու ոչինչ չկա»։
