ՇՀԿ-ն 19 երկրից հայտեր է ստացել կառույցին անդամակցելու կամ կարգավիճակը փոխելու վերաբերյալ
Շանհայի համագործակցության կազմակերպությունը (ՇՀԿ) քննարկում է 19 երկրներից անդամակցության կամ կարգավիճակի փոխման հայտերը։ Այդ մասին «Իզվեստիա»-ին տված հարցազրույցում հայտարարել է ՇՀԿ գլխավոր քարտուղար Նուռլան Երմեկբաևը։
«Ներկայում կան կարգավիճակը փոխելու կամ այս կամ այն կերպ կազմակերպությանն անդամակցելու հայտեր 19 երկրներից, լինի դա անդամ պետություն, գործընկեր, թե դիտորդ։ Սա վկայում է կազմակերպության բարձր գրավչության, աշխարհում շատերի համար դրա նպատակների ու խնդիրների ներդաշնակության մասին», – ասել է գլխավոր քարտուղարը։
Հիշեցնենք, որ ՇՀԿ-ին անդամակցելու հայտեր վերջերս ներկայացրել էին նաև Հայաստանն ու Ադրբեջանը, սակայն կառույցի վերջին գագաթնաժողովի ժամանակ, շրջանառվող լուրերի համաձայն, Ադրբեջանի անդամակցության վրա վետո էր կիրառել Հնդկաստանը, իսկ Հայաստանի անդամակցության վրա՝ Պակիստանը։
