«Հասկանո՞ւմ եք՝ ինչ հետևանքներ ստացաք այսօր այն ժամանակվա ձեր չգործողությամբ». Թևան Պողոսյան
Թևան Պողոսյանը ֆեյսբուքյան իր էջում գրում է. «2021-ի հունիսին տանը մնացած և ընտրության չգնացած մոտ մեկ միլիոն ՀՀ քաղաքացիներ, ձեզ ո՞նց եք այսօր զգում: Ավելի շուտ Աստված տա լավ. հարցս փոխեմ` հասկանո՞ւմ եք՝ ինչ հետևանքներ ստացաք այսօր այն ժամանակվա ձեր չգործողությամբ։ Իսկ գործողությունը շատ պարզ էր` պետք էր որևէ մեկին տայիք ձեր ձայնը, բացի մեկից։ Բայց… ասողին լսող էր պետք։ Մենք ինքներս հասցրինք այսօրվան։
Ցավում եմ և ահավոր զղջում առաջին հերթին հենց իմ սեփական` կյանքիս 2016-2018թթ. երկու տարիների գործողությունների համար։
Իսկ այսօր մեծ Աստվածային վախով եմ ապրում` մի բան չանել, որը ավելի վնաս կբերի։ Իսկ ինչին հավատում եմ, անում եմ ու դրա բարձրաձայնման կարիքը չունեմ։ Բագրատ Սրբազանի ասած, հուսամ, որ այս գործընթացները մեզ ավելի կմաքրեն ու ազնիվ կդարձնեն»։
