Վլադիմիր Պուտինը Ջոն Քերիին ստիպել է երեք ժամ սպասել օդանավակայանում. Daily Mail (տեսանյութ)
Բրիտանական Daily Mail թերթի փոխանցմամբ՝ ԱՄՆ պետքարտուղար Ջոն Քերին մայիսի 7-ին Մոսկվա է ժամանել ամենաբարի մտադրություններով, մինչդեռ նրան ընդունել են աննախադեպ սառնությամբ:
Ռուսաստանի նախագահ Վլադիմիր Պուտինը Ջոն Քերիին ստիպել է երեք ժամ սպասել օդանավակայանում: Երբ Քերին վերջապես հասել է Կրեմլ և Պուտինի հետ հանդիպման ժամանակ սկսել է խոսել Սիրիայի մասին, Ռուսաստանի նախագահն իր ոճով շարունակ խաղացել է գրիչով:
Դրա հետ մեկտեղ «ՊԱԿ-ի նախկին լրտեսը» (նկատի է առնվում Պուտինը) այս անգամ առավել զսպվածություն է ցուցաբերել՝ համեմատած նախորդ տարվա հետ, երբ նա Վաշինգտոնին մեղադրել էր Ռուսաստանում ընդդիմադիր շարժմանն աջակցելու մեջ: Աղբյուրների հաղորդմամբ՝ Պուտինի ու Քերիի միջև հանդիպման ժամանակ իրականում ձեռք չի բերվել Սիրիայի վերաբերյալ և ոչ մի պայմանավորվածություն:
