ՌԴ Արդարադատության նախարարությունը որևէ հիմք չի տեսնում Ալլա Պուգաչովային և Իվան Ուրգանտին օտարերկրյա գործակալներ ճանաչելու համար
ՌԻԱ Նովոստին հայտնել է, որ 2024 թվականի մարտին Ուրգանտը գրանցվել է Փարիզում որպես անհատ ձեռնարկատեր (ԱՁ)։ Գործակալության հաղորդագրությունից հետո Պետդումայի պատգամավոր Նիկոլայ Նովիչկովը «Արդար Ռուսաստան-Հանուն ճշմարտության» կուսակցության կողմից դիմել է Արդարադատության նախարարություն՝ Ուրգանտին որպես օտարերկրյա գործակալ ճանաչելու հարցը քննարկելու համար։
Ավելի ուշ հեռուստահաղորդավարը հայտարարել է, որ չի պլանավորում տեղափոխվել Ռուսաստանից և բիզնես բացել արտասահմանում։
Ուկրաինայում ռազմական գործողությունների սկսվելուց հետո Ալլա Պուգաչովան Ռուսաստանից մեկնել է Իսրայել՝ ամուսնու՝ Մաքսիմ Գալկինի հետ։ Գալկինը ընդգրկվել է օտարերկրյա գործակալների գրանցամատյանում 2022 թվականի սեպտեմբերին։ Դրանից հետո երգչուհին խնդրել է «գրանցվել» «իր սիրելի երկրի օտարերկրյա գործակալների շարքերում»՝ ի նշան իր ամուսնու հետ համերաշխության։
2024թ. հուլիսին, սակայն, Պետդումայի պատգամավոր Ալեքսեյ Ժուրավլևի հարցմանն ի պատասխան, Արդարադատության նախարարությունը նույնպես հայտնել էր, որ հիմքեր չի տեսնում Պուգաչովային օտարերկրյա գործակալ ճանաչելու համար։
