«Եթե լավով չհեռանաք, ուրիշ ձևով կբացատրենք». թաղային հեղինակությունները՝ «Բարև, Երևան»-ի ակտիվիստներին

Ինչպես արդեն տեղեկացրել էինք, մայիսի 5-ին կայանալիք Երևանի ավագանու ընտրություններին մասնակցող «Բարև, Երևան» դաշինքի ներկայացուցիչ, «Ժառանգություն» կուսակցության վարչության քարտուղար Ստեփան Սաֆարյանն իր ֆեյսբուքյան էջում շտապ հաղորդագրություն է տարածել՝ նշելով, որ Նոր Նորքի 5-րդ զանվածում, Միկոյան փողոցի վրա Վարդան անունով մի քաղաքացի իր խմբով խոչընդոտում է «Բարև, Երևան» դաշինքի ակտիվիստներին բուկլետներ բաժանել այդ հատվածում:

168.am-ի հետ զրույցում Ստեփան Սաֆարյանը նշեց, որ այս պահին Միկոյան փողոցում են հավաքվել թաղային հեղինակություններ, որոնցից մեկը ակտիվիստներին հորդորել է՝ «Եթե լավով չհեռանաք, ուրիշ ձևով կբացատրենք»։ Սաֆարյանը տեղեկացրեց նաև, որ այս պահին ինքը Զարուհի Փոստանջյանի հետ միասին գնում է Նորքի 5-րդ զանգված։