Իսրայելի Աշքելոն քաղաքը հրթիռակոծվել է Գազայի հատվածից
Իսրայելի հարավում գտնվող Աշքելոն քաղաքը հրթիռակոծվել է Գազայի հատվածից։ Այս մասին հայտնում է The Times of Israel թերթը։
«Իսրայելի պաշտպանության ուժերը և Աշքելոնի քաղաքապետարանը հայտնում են, որ Գազայի հատվածից Աշքելոն արձակված հրթիռը հարվածել է քաղաքի շենքերից մեկին»,- գրում է թերթը։
Զոհերի և ավերածությունների մասին տեղեկություններ դեռևս չեն ստացվել։
Ավելի վաղ հաղորդվել էր, որ Աշքելոնում հնչել են օդային ռմբակոծության ազդանշաններ՝ նախազգուշացնելով հրթիռային հարձակման մասին։
