Վրաստանի ԱԳՆ-ն ողջունել է Հայաստանի և Ադրբեջանի միջև սահմանազատման գործընթաց սկսելու համաձայնությունը
Վրաստանը ողջունում է Հայաստանի և Ադրբեջանի սահմանների սահմանազատման հանձնաժողովների կողմից ձեռք բերված համաձայնությունը՝ սահմանների սահմանազատման գործընթաց սկսելու վերաբերյալ։
Այս մասին նշվում է Վրաստանի արտաքին գործերի նախարարության՝ X-ում տարածած հաղորդագրության մեջ։
«Վրաստանը շահագրգռված է տարածաշրջանում կայուն խաղաղության ապահովմամբ և վերահաստատում է ամուր հանձնառությունը՝ նպաստելու երկու հարևանների միջև խաղաղության և վստահության ձևավորման գործընթացին»,- նշված է գրառման մեջ։
