Հռոմի պապը սրբադասել է Արգենտինայի պատմության մեջ առաջին կին սուրբին
Հռոմի պապ Ֆրանցիսկոս-ը սրբադասել է Արգենտինայի պատմության մեջ առաջին կին սուրբին՝ Մարիա Անտոնիա դե Պաս-ի-Ֆիգերոային, որը հայտնի է որպես «Մամա Անտուլա», հայտնում է AP-ն։
Նշվում է, որ սրբադասման արարողությունը տեղի է ունեցել Սուրբ Պետրոսի տաճարում։ Արարողությանը ներկա է եղել նաև Արգենտինայի նախագահ Խավյեր Միլեյը։
Մամա Անտուլային սուրբ հռչակելու պատարագը նշանավորել է ծնունդով արգենտինավի Հռոմի պապի և Միլեյի առաջին հանդիպումը։ Նախագահը, որն արարողության սկզբում խաչակնքվել է, նստել է Ֆրանցիսկոս պապի կողքին՝ անմիջապես գլխավոր բեմի կողքից։
Երկուշաբթի Մայլին առանձնահանդիպում կունենա Ֆրանցիսկոսի հետ, այնուհետև առանձնազրույցներ կունենա Իտալիայի վարչապետ Ջորջիա Մելոնիի և նախագահ Սերջիո Մատարելլայի հետ:
Մամա Անտուլան ապրել է 18-րդ դարում։ Նա ծառայել է աղքատներին և օգնել պահպանել ճիզվիտների հոգևորությունը Արգենտինայում այն բանից հետո, երբ ճնշվեց կրոնական օրդենը, որին պատկանում է Հռոմի պապը։
